شعـــــرونه

غزل/ سعادت خان

سعادت خان

د ستا وصال ته د ژوندون لارې اوږدې ځاروو
په نعمتو د جهان ډکې قافلې ځاروو

د زړه په تخت مو حاکم کړی ستا راکړی انداز
په اشارو دې یاره خپلې ارادې ځاروو

ستا په ديدار به د اوږدې مودې خمار ماتوو
په انتظار زمونږ ولاړې میخانې ځاروو

په هر ګړنګ به مو یادګار د قربانۍ پاتې وي
چنار ځوانۍ به له جومات او مدرسې ځاروو

چه مو ديدن پکې د ستا د تورو سترګو وشي
سپين صباوون له داسې تکې تورې شپې ځاروو

دنیا مو ترک کړه سعادته په بدل د مینې
نورو ته نه ګورو ښکلا یې له نامې ځاروو

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx