د عربي مسلسلونو او تاريخې فلمونو غدر أو خيانت له تاریخ سره

لیکنه: عبدالرحمن محمود

د څو کلونو را iیسي په عربي ژبه پر تاريخې أتلانو مسلسلونه جوړيږي أو د تلویزونې چينلونو له لاري خپريږي، چي له همدې جملي څخه د صلاح الدين أيوبي رحمه الله مسلسل دی، چي تر ډيره حده تحريف أو خلط پکښي شوی دی تر څو چي د راروانو نسلونو پر خپلو أسلافو غلطه ذهن سازي وکړي ، د نمونې په شکل يو څو أکاذيب يې ستاسو مخې ته ايږدم.

په فيلم کي: القدس د أورشاليم په نامه ياد شوی.

په حقيقت کي: د القدس نوم هغه وخت هم القدس وو، أو په نامه کي يې هيڅ تغير ندی راغلی.

په فيلم کي: عيسی العوام عرب مسيحي معرفي شوی.

په حقيقت کي: عیسي العوام مسلمان قائد أو مشر وو.

په فيلم کي: د ” عکا ” نومې ښار والي خائن أو غدار معرفي شوی.

په حقيقت کې: د ” عکا ” نومي ښار والي بهاءالدین قرقوش د صلاح الدين ايوبي رحمه الله د هغه خاصو قمندانانو أو سر لښکرو څخه وو، نه خائن وو، نه غدار وو.

په فيلم کي: ريتشارد مسيحي سرلښکر د مسلمانانو أویا کسه بندیان ځکه ووژل، ځکه چي و ده ته چا غلط راپور ورکړی وو، چي کله په حقيقت خبر سو په هماغه ګړې يې وژل بند کړل، پښيمانه هم سو أو عذر يې هم وغوښت.

په حقيقت کي: ريشتارد چي کله و ” عکا ” ته داخل شو د صلحي معاهده يې ماته کړه، أو درې زره مسلمانان بنديان يې و وژل، أو هغوی يې د ” عکا ” له ديوالونو څخه را وغوځول.

په فيلم کي: صلاح الدین أيوبي رحمه الله أو ریتشارد قناعت سره وکړ چي نور جنګ بي ګټې دی، نو ريتشارد په خپل اختيار و خپل ښار ته ولاړ بغير له دي چي د أورشليم زيارت وکړي سره له دي چي د جنګ قدرت أو واک يې هم لاره.

په حقيقت کي: ريتشارد په زوره وايستل شو أو مجبوره کړه شو چي وخپل ښار ته ولاړ شي، ځکه چي ” جون ” ورته کومک را ونه ليږه، أو ريتشارد شړیدلی أو دربدره تر أروپا ورسيد.

په فيلم کي: ريتشارد عادل أو زړه سواند أو ريښتونی بادشاه معرفي شوی.

په حقیقت کي: ريتشارد يو خونخوار أو بي رحمه قومندان وو، بادشاه نه وو.

په فيلم کي: صلاح الدين أيوبي رحمه الله يو سيکولر مزاجه شخص معرفي شوی، چي شعار يې وو ” الدين لله والوطن للجميع “.

په حقيقت کي: صلاح الدين ايوبي رحمه الله خاصتا د اعلاء کلمة الله لپاره يو سرسپارلی مجاهد أو قائد وو، نه سيکولر وو، نه ليبرل.

په فيلم کي: صلاح الدین ايوبي رحمه الله سلطان العرب معرفي شوی.

په حقيقت کي هغه سلطان المسلمين وو، نه سلطان العرب يواځې.

په فيلم کي: صلاح الدين أیوبي رحمه الله يو مسيحي أسير ” رينو ” بغیر له سببه و وژني.

په حقيقت کي: رينو يې وواژه ځکه چي هغه رسول الله صلی الله علیه وسلم ته ښکنځلې کړې وي.

په فيلم کي: صليبيانو ” عکا ” نومی ښار په يوه ورځ کي و نيوه.

په حقيقت کي: وروسته تر یوې مياشتي حصاره.

تر ټولو نادره داده چي د صلاح الدين ايوبي رحمه الله د بطولت دور يو مسيحي سوريايې ممثل تمثيل کړی، چي د کفارو دښمنې د اسلام د تاريخ سره أو د اسلام د ابطالو سره له ورايه ښکاره کوي.

يا الله دا ویده أو غافل أمت را ويښ کړي.



یوه تبصره

  1. سيد مصطفي

    مطبعات خو اكثر هغه هلقو په واك كي دي چي تمويل كونكي اكثراً كفار يا مفسد مسلمان نما دولتونه دي نو دوي هغه سه كوي چي دنياوي گته ولري دوي نه اسلام په فكر كي دي او نه هم د زوان نسل په كيسه كي دي . د ترامپ سفر سعودي ته په غه حالت كي چي ميرمن يي لغر سر حجاز مقدس كي كشته سو او السعود ورته داسي كشته پورته كيدل. د شاه خپله هواي ميدان ته تگ او نور نادري كارونه الله ج دغه فاسقان تباه كي اللهم امين

تبصره وکړه

ستاسو ایمیل ادرس به هیڅ کله نشر نه شي.