افغانستان

د کونړ ولايت د بشري سرچينو او اترا رياست مشران په توغنديز بريد کې ووژل شول

نن ټکی اسیا (سه شنبه، ۲۶ غویی، ۱۳۹۶): د کونړ ولايت د بشري سرچينو رييس او د مخابراتو رياست د اترا څانګې مشران په توغنديز بريد کې وژل شوي دي.

د کونړ ولايت وياند عبدالغني مصمم وايي، چې نن سهار شاوخوا اته بجې د کونړ په مرکز اسعد اباد کې د توغندي لګېدو له امله د ولايت د بشري سرچينو رييس سنګر افغان او د مخابراتو رياست د اترا څانګې مشر محمد ناصر وژل شوي دي.

د کونړ ولايت چارواکي وايي، چې طالبانو د ولايت پر مرکز دوه توغندي وتوغول، چې يو يې پر شاړه ځمکه ولګېد او دويم يې د ولايت د مخابراتو رياست په انګړ کې ولګېد، چې دوه چارواکي يې ووژل.

دغه بريد په داسې حال کې شوی، چې د کونړ ولايت چارواکو رسنيو ته تاييد کړې، چې د وټه پور او چپې درې ولسواليو په ګډون د کونړ په ټولو ولايتونو کې جګړې توندې شوي دي.

د کونړ ولايت وياند وايي، چې دغو نښتو کې دواړو لوريو ته مرګ ژوبله اوښتې ده.

طالبانو تر اوسه په دې اړه رسنيو ته څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x