شعـــــرونه

غزل / مسلم يار

مسلم يار

ستا يادونه ډلې، ډلې راسره دي
اوس غمونه ډلې، ډلې راسره دي

هېڅ مې نه وځې له ياده هېر مې نه يې
ستا دردونه ډلې، ډلې راسره دي

راشه، راشه چې د لاس نښه مې درکړم
ګلابونه ډلې، ډلې راسره دي

ما جوړ کړي دي د اوښکو په مريو
اميلونه ډلې، ډلې راسره دي

هر يو باب پکې د عشق په عنوان جوړ دى
کتابونه ډلې،ډلې راسره دي

مسلم يار يې ډېر په مينه درته ليکم
غزلونه ډلې، ډلې راسره دي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x