افغانستان

کابل کې درنې چاودنې ۹۰ تنو ته مرګ ژوبله واړوله

نن ټکی اسیا (چهارشنبه، ۱۰ غبرګولی، ۱۳۹۶): نن سهار ۸:۲۰ بجې يوې درنې چاودنې چې د المان سفارت ته څيرمه د زنبق په څلور لاره کې وشوه نږدې ۹۰ تنو ته مرګ ژوبله واړوله.

د کورنيو چارو وزارت يوه چارواکي رسنيو ته ويلي دي چې چاودېدونکي توکي په يوه ټانکر موټر کې ځای په ځای شوي وو.

د روغتیا وزارت دعامه اړیکو مشر اسماعیل کاووسي رسنيو ته وویل چې په دغه برید کې ۹ تنه وژل شوي او ۸۴ نور ټپيان دي.

دا بريد په هغه سيمه کې شوی دی چې د سيمه ييزو ارګانونو ادارې او المان هيواد په ګډون د ځينو بهرنيو هيوادونو ديپلوماتان په دغه لاره تګ راتګ کوي.

تر اوسه دا څرګنده نه ده چې د بريد هدف څوک و خو د کورنيو چارو وزارت وياند نجيب دانش ويلي دي چې دا موټر بريد و او د المان سفارت سره نږدې شوی دی.

سيمه د امنيتي ځواکونو له لوري کلابنده ده او د ژغورنې کارمندان د سيمې له ځای څخه ټپيان ليږدوي.

تر دا مهاله د بريد مسووليت چا په غاړه نه دی اخيستی او نه هم چارواکو د بريد په اړه څه ويلي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x