شعـــــرونه

نعت شريف/ مسلم يار

مسلم يار

چې کله یې اواز د نبوت ولګیده
پر قصر د کسری باندي ذلت ولګیده

تر تور جهانه راغلي د سپین لمر زریني وړانګي
اورونه پر انګړ د جهالت ولګیده

ناحقه دښمنیو کیږدۍ ټولي کړي له زمکي
شکست یې د احبارو پر شوکت ولګیده

ژوند وساتل سو مرګ د ژوندي ښخو ژوندی شخ شو
داغونه پر سینه د عداوت ولګیده

یاران سول رحمتونه د یاغي کري په زړه کې
مرهم پر پرهرو د بشریت ولګیده

را وټوکید ارمان هیلي ژوندۍ امید زرغون شو
پر تور خزان طوفان د هلاکت ولګیده

شو شکل خوږ اذان د ستر بلال په خواږه غږکې
پر هر بزم یې زیری د وحدت ولګیده

سرور د کائناتو د رڼو سترو په خوا کې
چې وځلید پر لمر هم خجالت ولګیده

نفرت له زړونو والوت د ایمان مینه شوه وېښه
وروري شوه مسلمیاره محبت ولګیده

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x