کابل: د پولیسو په ډزو اته تنه لاریون کوونکي ټپيان او ۳ تنه وژل شوي دي

نن ټکی اسیا (جمعه، ۱۲ غبرګولی، ۱۳۹۶ل): په کابل ښار کې د وروستی چاودنې د غندلو په موخه را ټول شویو لاریون کوونکو ډزي کړي چې له امله یې لږ تر لږه ۳ تنه مړه او شاوخوا ۸ تنه نور ټپيان شوي دي.

لاریون کوونکي د کابل ښار د زنبق څلور لاري په ساحه کې را ټول شوي وه او همدلته یې د جمعې لمونځ ادا کړ، خو وروسته چې د ولسمشریزي ماڼۍ پر لوري حرکت وکړ، د پولیسو له لوري باندي اوښکې بهوونکی ګاز وکارول شو او هم مخامخ ډزې وشوې، چې له امله یې تر اوسه ۳ تنه مړه او ۸ تنه نور ټپيان شوي دي.په وژل شویو کسانو کې د مشرانو جګرې د لومړي مرستیال «محمد عالم یزدیار» زوی «سالم ایزدیار» هم وژل شوی دی.

لاریون کوونکو که څه هم د داعش، طالبانو او حقاني شبکې پر ضد شعارونه ورکول خو د وروستی خونړۍ چاودنې مسؤولیت یې د ګډحکومت پر مشرانو اچوی چې په وینا یې نه حکومت په سمه توګه کولای شي او نه هم امنیت نیولای شي.

یوې بلي خبري سرچیني ویلي چې تر اوسه په لاریون کوونکي ۷ تنه مړه او ۲۰ تنه ټپيان شوي دي.

باید وویل شي چې د تیرې چهارشنبې په ورځ سهار اته بجې شاوخوا د کابل په دیپلوماتیکه سیمه کې د المان سفارت سره نیژدې چاودنه وشوه چې له امله یې قریب ۱۰۰ تنه مړه او شاوخوا ۴۰۰ نور ټپيان شول.

د برید مسؤولیت تر اوسه چا نه دی اخیستی، خو د طالبانو ویاند ذبیح الله مجاهد نن ټکی اسیا ته په را لیږلي خبرپاڼه کې پېښه غندلې ده.