نړۍ

عاجل: د ایران پر پارلمان ډله ییز برید روان دی / انځورونه او ویډیو

نن ټکی اسیا (چهار شنبه، ۱۷ غبرګولی، ۱۳۹۶ل): ایراني چارواکي وايي چې په تهران کې د د ایران پر پارلمان په ډله ییز برید کې تر اوسه ۷ تنه وژل شوي دي او جګړه لا روانه ده.

د دولت ابادي په نامه یوه امنیتي چارواکې چې په صحنه کې موجود وو، رسنیو ته وویل چې تر اوسه دوی د ۷ کسانو وژل کېدو تصدیق کولای شي، پنځه کسه د امنیتي ځواکونو څخه او دوه تنه بریدګر وژل شوي دی.

نوموړي ویلي چې تر اوسه هم په پارلمان کې دننه دوه بریدګر ژوندي دي او هغوی د ځان سره یو شمېر وکیلان او نور ملکیان برمته کړي دي.

یو بریدګر د پارلمان په کړکۍ کې ښکاري

د برید وروسته لومړی ویډیو:

د ایران امنیتي چارواکي وايي چې پارلمان ته یې ټولې لاري تړلې دي او سیمه یې کلابنده کړې ده.

په یوه بل عاجل خبر کې د ایران دولتي تلویزون ویلي چې یوه وسلوال د خمیني په مزاره کې پر خلکو ډزي کړي دي چې له امله یې یو شمېر ملکیان ټپيان شوي دي.

یو شمېر نورو سرچینو ویلي چې د خمیني په مزارې کې چاودنې هم شوي دي او دوه تنه بریدګر د امنیت له خوا ژوندي نیول شوي دي. او د ځینو ایراني خبري پاڼو د راپورونو سره سم امنیتي ځواکونو د خمیني په مزار کې ۳ بمونه موندلي، یو وسلوال کس یې وژلی او یوه ښځه چې غوښتل یې ځانته چاودنه ورکړي، ژوندۍ نیولې ده.

د پارلمان مخته خلک را ټول شوي دي:

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x