د اوباما ښځي د خپل مېړه اته کلنی راز افشا کړ

نن ټکی اسیا (پنجشنبه، ۱۸ غبرګولی، ۱۳۹۶ل): د امریکا د پخواني ولسمشر باراک ښځي د خپل مېړه اته کلن راز افشا کړ.

میشل اوباما چې د اته کلونو لپاره د امریکا لومړۍ مېرمن وه، د امریکا په کالیفورنیا ایالت کې د «آپل» شرکت په یوه غونډه کې ویلي چې که څه هم د لومړۍ مېرمني په صفت زه هر وخت په رنګا رنګ جامو کې را څرګندېدلم، خو مېړه مي په یادو اتو کلونو کې یوه جامه کالي او یوه جوړه بوټونه اچولي دي.

میشیل اوباما وویل چې د امریکا ولسمشر باراک اوباما د اتو کلونو په دنده کې په ټولو رسمي مناسباتو کې همدا یوه جامه کالي او همدا یوه جوړه بوټونه کارولي دي، خو بیا هم چې هر ځل به هغه را څرګند شو، د رسنیو او چارواکو له لوري به ستایل کیدی او د «جون کینیډي» وروسته دوهم فیشني ولسمشر بلل کیدی.

میشیل اوباما وویل چې دا لومړی ځل دی، دغه راز افشا کوم، تر اوسه هم د اوباما دغه اړخ ته د رسنیو او یا نورو چارواکو پام نه دی اوښتی. او زیاته کړې چې اوباما په دغه کار سره ډېر خوښ وو.

باید وویل شي چې د برتانیې پخوانی لومړی وزیر «کامیرون» د خپل مسؤولیت پر مهال په یوه تلویزوني مرکه کې ولیدل شو چې شلیدلې جورابي يې په پښو وې، چې د نوموړي پر سادګي او خپل کار سره پر دلچسپي یې دلالت وکړ.

دغه حال د هغو هیوادونو ولسمشرانو او مسؤولینو دی چې پر نړۍ حکومت کوي، خو بل اړخ ته د افغانستان غوندي هیواد چې حتی د عسکرو معاش یې بهرنی ورکوي او د هیواد ټوله بودیجه یې په خیرات ده، په فیشن او ګران بیه جامو کې د نړۍ په سطحه نوم لري، د هر مناسبت لپاره ځانته جامې او ځانته بوټان اچوي او یو ځل کارول شوي جامې دوهم ځلي نه کاروي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Mohammad Hamid Himat
میلمه
Mohammad Hamid Himat

ته نو اوس راشه زمونږ ګل مرچان عبدالله عبدالله وګوره چی سمه لکه نوی ناوی د ورځی لس ځله جامی بدلوی