نړۍ

د قطر امیر: چې هیواد مي محاصره وي، بیرون نه وځم

نن ټکی اسیا (جمعه، ۱۹ غبرګولی، ۱۳۹۶ل): د قطر امیر شیخ تمیم بن حمد ویلي چې تر څو مي هیواد د ګاونډیو له لوري تر محاصرې لاندي وې، د خپل ولس سره به پاته یم، له هیواده نه وځم.

نوموړي دغه خبرې د امریکا د هغه غوښتنې په جواب کې کړي چې د قطر او سعودي تر منځ یې د منځګړیتوب په اړه کړې وي.

د امریکا ولسمشر ډونلډ ټرمپ ویلي وه چې د خلیجي هیوادونو تر منځ د تاوتریخوالي د کمولو په خاطر غواړي چې د سعودي او قطر مسؤولینو ته دعوت ورکړي.

د یادوني وړ ده چې د سعودي په مشري امارات، بحرین او مصر پر قطر باندي هر اړخیز بندیزونه لګولي او ځینو نورو هیوادونو د سعودي او امارات څخه په تاثیر دیپلوماتیکي اړیکې ورسره پرې کړي دي.

باید وویل شي چې د سعودی، امارات او مصر رسنیو په دې وروستیو کې داسي خبرونه هم خپاره کړي چې ګواکې د قطر امیر شیخ تمیم د انقلاب له ویرې ایران ته روان دی. خو د قطر رسنیو دا راپورنه ټول درواغ بللي دي او د مخالفو رسنیو د پروپاګند او درواغو تسلسل یی بللی دی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
نا پيژاند

شه كوي

Back to top button
1
0
Would love your thoughts, please comment.x
()
x