افغانستان

د چین بهرنیو چارو وزیر د منځګړیتوب لپاره کابل ته راځي

نن ټکی اسیا (سه شنبه، غبرګولي ۲۳مه ۱۳۹۵ل): د چین د بهرنیو چارو وزیر «وانګ یی» د افغانستان او پاکستان تر منځ د اړیکو رغولو په خاطر کابل ته راځي.

د ارګ څخه په خپرې شوي خبرپاڼه کې ویل شوي چې نوموړی به د افغانستان، چین، پاکستان او امریکا تر منځ د څلور اړخیزې ناستې د جوړولو پر امکاناتو هم خبرې وکړي.

د طلوع نیوز د خبر سره سم اشرف غني تېره ورځ د ښځینه مدني فعالانو سره په ارګ کې د لیدنې پر مهال وویل چې «د پاکستان د حکومت سره سوله زمونږ غوښتنه ده، باید په حکومتي سطحه ددواړو هیوادونو سوله وشي، د چین هیواد د لومړي ځل لپاره د افغانستان په سوله کې د منځګړیتوب لپاره تیار شوی دی».
د اشرف غني د ویاند مرستیال نجیب الله ازاد وروسته په یوه خبرې ناسته کې رسنیو ته وویل چې دا ځل به څلور اړخیزه ناسته د پخوانیو څلور اړخیزو ناستو سره بېلوالی ولري، اوس به پاکستان د افغانستان د غوښتنو سره سم د وسلوالو پر ضد په جګړه کې برخه اخلي.

نوموړي وویل چې د وروستیو پيښو شواهدو ثابته کړه چې پاکستان د وسلوالو کومک کوي، دغه شواهد د ناټو، امریکا او نورو نړیوالو ادارو سره شریک کړل شوي دي.

باید وویل شي چې ولسمشر اشرف غني د شانګهای تړون په وروستی سرمشریزې غونډه کې د نواز شریف سره وکتل او د افغانستان سولې په اړه ورسره وغږیدی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x