شعـــــرونه

غزل/ ثاقب خپلواک

ثاقب خپلواک

شته خانقا کې یې د مینې فلسفې د ښکلا
د صوفیانه رباب یې دي خوږې نغمې د ښکلا

چې یې د وجد د سیتار تار کې نغمي شې ګرمی
د الاهو په ترنم شې ، انګازې د ښکلا

د مینې مېنه لټوي ، د کائناتو غیږ کې
عشق کې یې،خلکو ته ښکاریږي افسانې د ښکلا

چې ګرځوي د خیال نیلی، تل پر کُره د ځمکی
وړي به یې ، بیا د عرش په لور مراقبې د ښکلا

وایې ثناء یې تل د لوړو اسمانو پرشتی
ستایي یې ټول کائنات واړه زمانې د ښکلا

که کړې پردۍ هغه خودي تل له ثاقب خپلواکه !
بیا بې له ځانه بیګانه کړې ، سلسلې د ښکلا

ثاقب خپلواک

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x