شعـــــرونه

اختر ته/ عاکف مهاجر

عاکف مهاجر

د خوښيو ستر پیغامه راشه راشه
ستا کومه احترامه راشه راشه

خیر که يمه ټول پرهر پرهر اختره
د خوښۍ راوړه الهامه راشه راشه

خیر که یمه ببر سر څيرې ګريوانه
ستا راتګ ته صد سلامه راشه راشه

د سرور پیغام له ځانه سره راوړه
د غمجنو زړو ارامه راشه راشه

دلته هر کاله کې غم دی اړولي
خوښي راوړه ای ګلفامه راشه راشه

عاکف تاته انتظار کوي اختره
خفګان لرې کړه مدامه راشه راشه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x