نړۍ

پاکستان د افغانستان خاوره کې د خپلو ۲۳ پوځيانو په وژنه سخت غبرګون ښودلی

د پاکستان د بهرنيو چارو او ملي امنيت مشاور سرتاج عزيز ډيورند کرښې سره نژدې د افغانستان په خاوره کې د ۲۳ پاکستاني پوځيانو په وژنه سخت احتجاج کړی او له افغان حکومته يې غوښتي چې، د دغو وسلوالو پر خلاف کلک عمليات وکړي.

د پاکستان د بهرنيو چارو وزارت لخوا په يوه اعلاميه کې راغلي چې نن پنجشنبه په مالي ديپ د سارک هيوادونو د بهرنيو چارو د وزيرانو په غونډه کې ښاغلي سرتاج عزيز د افغانستان د بهرنيو چارو وزير ضرار احمد عثماني ته د پاکستان په استازيتوب په افغان خاوره کې د ۲۳ پوځيانو وژل په کلکو ټکو وغندل او ضرار احمد عثماني څخه يې غوښتنه وکړه چې،

بايد د دغو وسلوالو پرخلاف قوي عمليات وکړي.

 

سرتاج عزيز ويلي چې، پاکستان، افغانستان او ترکيې په درې اړخيزه غونډه دا تړون کړی و چې، خپله خاوره به د بل ګاونډي پر خلاف نه کاروي او که د کوم هيواد خاوره د بل هيواد پر خلاف وکارول شوه نو دغه هيواد به د تروريستانو پر خلاف عمليات کوي.
له همدې امله افغانستان بايد د دغو وسلوالو پر خلاف عمليات وکړي.

د يادونې وړ ده چې وړمه ورځ پاکستاني طالبانو ۲۳ هغه پاکستاني پوځيان و وژل چې، له ډېرې مودې دوی سره په بند کې وو.

 

 

 

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x