شعـــــرونه

غزل/ جانان خدرخېل

جانان خدرخېل

څه بې خونده زنده ګي ده چې تېرېږي
او دِلبنده زنده ګي ده چې تېرېږي

په اوبه اوبه بارخو پسې دې مرمه
لکه تنده زنده ګي ده چې تېرېږي

پټ مرګی دی او د زړه ویني خوړل دي
په څرګنده زنده ګي ده چې تېرېږي

ښه پوهېږو په والله چې بې ننګي ده
خو میونده! زنده ګي ده چې تېرېږي

لکه چا چې وي په زور په چا منلې
ستړې دنده زنده ګي ده چې تېرېږي

مرګ دې داسې ګډوډ مشه “خدرخېله”
ښه ده قنده! زنده ګي ده، چې تېرېږي
ــــــــــــــــــــــــــــــ
جانان خدرخېل
۱۳۹۶/۴/۹

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x