شعـــــرونه

غزل/پیرمحمدکاروان

پير محمد کاروان

زه چې لیونی شم بیابان شې راته ته

روغ چې شم تڼۍ مې د ګریوان شې راته ته

زه چې یا خمار شم یا له تندې شم رنځور

جام راوړې ساقي مې شې لقمان شې راته ته

ټکندې غرمې چې شي را ټولې راپسې

راشې په شېبو شېبو باران شې راته ته

شپه شي او طوفان کړي رانه بله ډیوه مړه

جار دې شم د ستورو ډک آسمان شې راته ته

ما سره په رخه په کینه چې شي یاران

پیر مې شې پاچا مې شې جانان شې راته ته

کله چې وطن شي راته ټول کفار كفار

مینه مې شې لمونځ مې شې آذان شې راته ته

را چې شي لېمو ته دوه د اوښکو لاروي

وخاندې د سرو ګلو کاروان شې راته ته

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x